AMT 74, 1 (K 67 + K 2592 ii und iii)
(Zugang zu CDLI: P393740)
K 67+ i und ii = AMT 73, 1
K 67+ iii und iv = AMT 75, 1
Thompson JRAS 1937 S. 279ff. und 413ff.; Eypper JMC 27 S. 1ff.
Das Fragment gehörtz zu dem durch K 8809 (AMT 15, 3), 79-7-8, 163 (AMT 18, 5), K 1714 (AMT 32, 2) und K 9565+ (AMT 100, 3) vertretenen Tafelexemplar.
Rezepte zur Behandlung von Fuß-Erkrankungen
Parallelstellen:
ii 11'-23' = VAT 8772+ (BAM 2, 124) ii 35-50
ii 32' vgl. Sakikkû 33 22
ii
11'. DIŠ GIG ka-bar-tim ru-ṭib-ta ib-ta-ni BA.UŠ2
12'. DIŠ GIG ka-bar-tim A.GAR.GAR SIG7 ina KAŠ3 ru-uš-še-te ina uruduŠEN.TUR ina ZI3.KUM ḪI.ḪI LA2
13'. DIŠ KIMIN u2ur2-ne2-e gišsi-ḫa gišar-ga-na u2ba-ri-ra-tu2 ZI3 UKUŠ2.ḪAB
14'. ina I3.NUN I3.ŠAḪ ina uruduŠEN.TUR tara-bak LA2
15'. DIŠ GIG ka-bar-tim u2i-ši-in A.ŠA3 tur-ar2 ana IGI GIG ŠUB
16'. DIŠ KIMIN PA giššu-še SUD2 ana IGI ŠUB : DIŠ KIMIN ŠIKA gišNU.UR2.MA ta-qal-lu ana IGI ŠUB
17'. DIŠ KIMIN SUR2.DU3mušen ta-qal-lu ana IGI ŠUB : DIŠ KIMIN gišGI.ZU2.LUM.MA ta-sal-laq ana IGI tu-tab-bak
18'. DIŠ KIMIN PA gišGI.ZU2.LUM.MA PA u2ur2-zi-in-ni ta-sal-laq ana IGI tu-tab-bak
19'. DIŠ KIMIN PA u2UR2.TAL2.TAL2 ta-sal-laq ana IGI tu-tab-bak
20'. DIŠ NA kap-pal-ta-šu2 GIG SAG.DU EME.DIR tur-ar2 ta-sak3 ana IGI GIG MAR
21'. ŠIKA gišNU.UR2.MA ta-sak3 ana IGI ŠUB
22'. SAG.DU ka-ṣi2-ri ta-qal-lu ana IGI ŠUB
23'. IGI GIG ta-kap-par2 it-qur-tam te-qi2
24'. DIŠ NA GIR3.II-šu2 GIG.MEŠ DIRI SUḪUŠ gišNAM.TAR NITA2 ḪAD2.A GAZ SIM ina I3 GU4 LAL2-ma TI
25'. DIŠ NA GIR3.II-šu2 GIG.MEŠ DIRI GIG šu2-nu-ti a-da-na TUKU-u u4-um GIG.MEŠ DIRI U2 d˹UTU˺
26'. ša2 ana dUTU.ŠU2.A IGI.MEŠ-šu2 šak-nu ina IGI dUTU ZI ki-a-am DU11.GA dUTU šam-mu U2-ka ˹x˺ [x x (x)]
27'. U2 šu2-a-tu2 ana qid-da-ti te-sir2 UR5.GIM DU11.GA pu-ṭur dUTU ru-um-me dUTU 7-šu2 ˹DU11˺.[GA]
28'. ina u4-mi-šu2-ma SAḪAR KA2.GAL ŠU.TI ana ID2 tal-lak ana ID2 tu-ur-rad-ma IGI-šu2 ana qid-da-te GAR-an [x x (x)]
29'. GIR3.MEŠ-šu2 ina qid-da-ti te-sir2 UR5.GIM DU11.GA at-ta tar-kus at-ta pu-ṭur dUTU 7-šu2 ˹DU11˺.[GA]
30'. IGI-šu2 ana ma-ḫir-ti GAR-an SAḪAR šu2-nu-ti GIR3.MEŠ-šu2 ana ma-ḫir-ti u2-maš-ša2-’a UR5.GIM ˹DU11˺.[GA]
31'. at-ta tar-kus at-ta pu-ṭur dUTU 7-šu2 DU11.GA-ma AL.˹BUR2˺
32'. DIŠ GIG ina GIR3 NA lu ina ŠIR NA E11-ma i-raš-ša2-šum-ma uk-kak ru-ṭib-tum qi2-lu-tum MU.[NI]
33'. ana TI-šu2 GAZIsar GU2.TUR saḫ-le2-e ina A GAZIsar SILA11-aš LA2-id ina I3.UDU ḪI.ḪI NAGAR DU3-uš ana DUR2-šu2 GAR-ma ˹TI˺
34'. DIŠ GIG ina GIR3 NA E11-ma i-raš-ša2-šum-ma uk-kak GIG ru-ṭib-tu ˹GIG˺
35'. TUG2 nar-ba I3 SU3 ana IGI ŠUB : ZI3 qut-ri-ni ina UGU TUG2.ḪI.A GAR-ma [TI]
36'. A NAGA.SI ana IGI GIG LUḪ I3.GIŠ ŠEŠ2 NUMUN u2SIKIL NUMUN u2IN6.UŠ2 ana IGI ˹GIG˺ [x (x)]
iii
1. U2 BABBAR SUD2 ana IGI ŠUB u2IGI-lim u2tar-muš u2IGI.NIŠ ta-sak3 ana IGI ŠUB NUMUN u2IN.NU.UŠ
2. NUMUN u2kam2-ka-di SUD2 ana IGI ŠUB u2ak-tam NUMUN u2-ra-ni SUD2 ana IGI ŠUB šimLI šimGUR2.GUR2 SUD2 ana IGI ŠUB
3. u2ur2-nu-u SUD2 ana IGI ŠUB u2ka-zal-la u2KUR.RA SUD2 ana IGI ŠUB ḪENBUR2 GI ŠUL.ḪI
4. u2ak-tam SUD2 ana IGI ŠUB SUḪUŠ u2UR.TAL2.TAL2 NUMUN gišbi-ni SUD2 ana IGI ŠUB
5. PA gišGE6.PAR7 PA giššu-še PA gišMA.NU šimLI šimGUR2.GUR2 e-ma GIG ŠUB.MEŠ
6. u2ar-ga-nam u2ba-ri-ra-tu2 ana IGI GIG ŠUB ina IM.˹ŠU˺.RIN.NA te-sek-ker
7. GIR3.MEŠ-šu2 tu-maš-ša2-’a I3 EREN šimGUR2.GUR2 u2an-ki-nu-˹tim˺ ḪI.ḪI ŠEŠ2
8. NUMUN u2IN6.UŠ2 NUMUN u2SIKIL ta-sak3 ina A GAZIsar tara-bak LA2
9. NUMUN u2UR2.TAL2.TAL2 NUMUN u2ŠAKIR NUMUN u2EME UR.GI7 ina A GAZIsar tara-bak I3.GIŠ tal-tap-pat LA2-id
10. NUMUN u2AB2.DUḪ NUMUN BABBAR.ḪIsar ta-sak3 ina A GAZIsar tara-bak LA2-id
11. U2.ḪI.A an-nu-ti ina KAŠ ˹NAG˺ ina GAB.LAL3 ḪI.ḪI LA2-id
12. LAG A.ŠA3 PA gišGE6.PAR7 PA u2-ra-ni ta-sak3 ana IGI ŠUB
13. DIŠ GIG ina GIR3 NA E3-ma GIM BU.BU.UL-te i-ḫar-ra-aṣ sag3-ba-nu MU.NE NINDA er-ra DIRI-ma ina-eš
14. DIŠ KIMIN ŠE10 LU2.U18.LU ŠEŠ2-ma ina-eš : DIŠ KIMIN BURU5.SAḪAR.RA tur-ar2 SUD2 MAR-ma ina-eš
15. DIŠ KIMIN MUD2 ELLAG2 GU4 ŠEŠ2 il-ta ša2 IN.NU tur-ar2 SUD2 MAR-ma ina-eš : DIŠ KIMIN u2UKUŠ2.ḪAB ḪAD2.DU SUD2 KIMIN
16. DIŠ KIMIN IGI GIG I3.GIŠ : I3.NUN ŠEŠ2 ŠIKA gišNU.UR2.MA ḪAD2.A SUD2 MAR
17. DIŠ KIMIN ILLU šimBULUḪ SUD2 ana IGI ŠUB : DIŠ KIMIN IGI GIG I3 ŠEŠ2 NA4 ZU2.LUM.MA SUD2 KIMIN
18. DIŠ KIMIN IGI GIG I3.GIŠ gišEREN : I3.NUN ŠEŠ2 šimLI šim˹GUR2.GUR2 u2˺GAMUN DIŠ-niš SUD2 MIN
19. DIŠ KIMIN gišŠA3.GIŠIMMAR tur-ar2 SUD2 KIMIN : DIŠ KIMIN DE3 ˹giš˺ŠA3.GIŠIMMAR IN.RI IN.NU NINDA.˹I3.DE2˺.A tur-ar2 ina A GAZIsar tara-bak LA2