BAM 4, 323 (VAT 8242)
(Zugang zu CDLI: P285405) < >
Text aus früh-neuassyrischer Zeit mit Beschwörungen und magisch-medizinischen Anweisungen und Vorschriften zur Heilung von Krankheiten, die umherschweifende Totengeister hervorgerufen haben.
Parallelstellen:
15-34 = K 2131
19-34 vgl. P. A. Schollmeyer, Sumerisch-babylonische Hymnen und Gebete an Samas, 118f.
39-46 = Bu. 91-5-9, 132
65-74 = K 2477+ (BAM 5, 471) ii: 26' -37'
75-78 = K 2477+ (BAM 5, 471) iii: 17'-20'
79 entspricht der Stichzeile auf K 2273+
87-88 = VAT 13656 (LKA 89) Rs. 1-3
89 = K 4075 (BAM 3, 205 ) 30'-31'
89-97 = A 237 (BAM 3, 228) Vs. 23-32
89-98 = VAT 13777 (BAM 3, 229) Vs. 17'-26'
Vs.
1. DIŠ NA GIDIM DAB-su-ma UŠ2.MEŠ-šu2 lu a-l[u-u lu gal-lu-u]
2. lu SAG.ḪA.ZA DAB-su lu mim-ma lem-nu DAB.B[A DAB]-su lu [...]
3. SAHAR URU ŠUB-i SAḪAR E2 ŠUB-i SAHAR E2 DINGIR ŠUB-i SAḪAR KI.MAḪ SAḪAR UŠ.K[I]
4. SAHAR ID2 ŠUB-ti SAḪAR KASKAL DIŠ-niš TI-qe2 KI MUD2 GU4 ḪI.ḪI NU mim-ma lem-nu DU3-uš
5. KUŠ UR.MAḪ MU4.MU4-su na4GUG E3 ina GU2-šu2 GAR KUŠ.A.GA2.LA2 MU4.[MU4-su]
6. MUD2 su de e SUM-šu2 UD.3.KAM2 7 ŠUKU-su UTUL2 ṣir-pe-ti ana IGI-šu2 GAR-an
7. ina UR3 E2 LU2.GIG GUB-su2-ma zi3ŠE.SA.A ina A u KAŠ SIG3-aṣ-ma BAL-qi2-šu2
8. 3 sil-ti gišERIN.NA i-ta-ti-šu2 tu-zaq-qap
9. ZI3.SUR.RA NIGIN-šu2 DUG.NIG2.DUR2.BUR3 NU AL.ŠEG6-GA2
10. UGU-šu2 tu-kap-par kip-pat2 DUG.NIG2.DUR2.BUR3 dUTU li-mur-šu ina GI6 MUL.MEŠ li-mu-ru-šu2
11. UD.3.KAM2 MAŠ.MAŠ U4 mi-niš2 GAR-⸢an⸣ GAR-an NIG2.NA šimLI ana IGI dUTU GAR-an
12. ina GI6 zi3ZIZ2.AM3 ana IGI MUL.MEŠ GI6-tim DUB-aq
13. ana IGI dUTU u MUL.MEŠ UD.3.KAM2 ana muḫ-ḫi-⸢šu2⸣ im-ta-an-nu
14. EN2 GIDIM mim-ma lem-nu iš-tu U4-mi an-ni-i ina SU! NENNI A NENNI ZI-ta5 šu-ṣa-a-ta
15. ṭar-da-ta u kuš-šu-da-ta (Rasur) DINGIR ša2-kin-ka
16. d15 ša2-kin-ta-ka ina SU NENNI A NENNI GIG is-su-ḫu-ka
17. ina UD.3.KAM2 ina UD.GURUM.MA KEŠ2 ana IGI dUTU KEŠ2
18. LU2 GIG NU IL2-ma ana IGI dUTU ki-a-am tu-šad-bab-šu2
19. EN2 dUTU mu-tal2 da-nun-na-ki e-tel di-gi-gi mas-su-u2 ṣi-ru mut-tar-ru-u te-ni-še20-e-ti
20. da-a-a-an AN-e u KI-tim la e-nu-u qi2-bi-tuš-šu2
21. dUTU muš-te-šir ek-le-ti ša2-kin nu-ri a-na ni-ši
22. dUTU ina e-re-bi-ka ZALAG2 ni-ši u2-ta-aṭ-ṭi dUTU ina a-ṣi-ka i-nam-mi-ra kib-ra-a-ti
23. e-ku-tu4 al-mat-tu4 ki-gul-la-tu4 e-ru-ut-tu4
24. ṣi-iṭ-⸢ka⸣ uš-taḫ2-ḫa-na ka-la ab-ra-a-tu4
25. [bul šik-na-a]t ZI-tim a-ṣu-u2 ṣe-e-ri
26. [it-ta-nab-ba-l]a-ka nap-šat-si-na meš-re-ta
27. [di-in ḫa-bi]l-ti ta-da-an EŠ.BAR-ši-na tuš-te-šir ana-ku NENNI A NENNI šu-nu-ḫu kan-sa-ku
28. [i-na šib-sat DINGIR u d)]15 iʾ-il-tu4 i-iʾ-i-la-an-ni
29. [... LIL2].LA2 ḫi-mi-tu4 di-mi-tu4 šim-mat UZU ṣi-da-nu
30. [... mi-qit ṭ]e4-mi iš-qu-lu-nim-ma u4-mi-šam-ma ud-dam-ma-mu-nin-ni
31. [...-m]a ZI-tim ub-lak-ka di-nu LU2 GIG ša2 DAB-an-ni ana di-ni kan-sa-ku
32. [di-nu di-in EŠ].BAR-a-a TAR [... d]i-in EŠ.BAR-a-a tu-šar-šu-u2
33. [ana di-ni ša2-nim-ma a]-a ⸢SUM⸣-in [EŠ.BAR-š]u iš-tu di-ni EŠ.BAR tuš-ter-šu-u2
34. [... u2-ta]š2-⸢ši⸣-ra-an-n[i] ⸢SU⸣.MU it-tap-ra-šu2 e-ma tak-la-ku DINGIR.MEŠ lim-tag-ru pu-ka
35. [AN-e lih-d]i-ka KI-tim li-riš-ka TU6 EN2
36. [... tu]-šad-bab-šu ana DUG GAR-an-šu-ma tu-tam-ma-šu
37. [...] niš d[30] lu-u ta-ma-ta5 niš dUTU lu-u ta-ma-ta5 DU11.GA-ma KA2-šu2 BAD-ḫi
38. [...] x x x x ina ḫar-bi na-du-ti te-qe2-bir-šu2
39. [DIŠ NA GID]IM DAB-su-ma US2.MEŠ-šu2 lu [LI]L2.LA2.EN.NA lu KI.SIKIL.LIL2.LA2.EN.NA
40. [AN.TA].ŠUB.BA lu mim-ma lem-nu [DAB-su]–ma ina SU-[šu2 NU DU8-ar KA]Š3 ANŠE.KUR.RA tu-šam-har-⸢šu2⸣
41. [ina zi3IN].NU.ḪA ḪI.ḪI NU GIDIM u mim-ma lem-nu ša2 DAB-⸢šu2⸣ DU3-uš
42. MU-šu2 SAR-ar2 ZAG-šu2 KA-šu2 GUB3-šu2 GU.DU-⸢su⸣ DAB-su
43. [uruduMURU2.ŠER3].ŠER3 ŠUB-šu2 GAG giš.MA.NU ina KA-šu2 te-ret-ti
44. [I3.UDU U]Z3 ta-kar-šu-ma ana IGI dUTU ta-kar-šu2
45. EN2 dUTU LUGAL mi-ša2-ri [x-k]a liš-kip
46. ABGAL DINGIR.MEŠ dAMAR.UTU x-da-aš
47. dNIN.GEŠTIN.AN.NA u2-suk-ka-tu4 [...]
48. i-na a-ru-ti KI-tim A.MEŠ-x [...]
49. ⸢dnin-giš-zi-da⸣ G[U.ZA.LA2] KI-tim ⸢DAGAL-tu2⸣ [GABA-ka li-ne2-i]
50. d[(AR)]A SUKKAL eri-du10 lit-ru-[ka]
51. [d30 EN] AGA mah3-rit da-[a-a-ni(?) ...]
52. [dNIN.URT]A ⸢EN⸣ GIŠ.⸢TUKUL⸣ GU2-ka [lik-kis]
53. [...] x x ša ru x [...]
54. [...] x [...] x x KI.A x [...
55. (traces)
56. (traces)
Rs.
57. [… uruda]ŠEN.TUR ša2 7 GIN2 URUDU ŠUB-šu2 IGI-šu2 GUB3 x [...]
58. [...] x ina SAG LU2.GIG DU3-uš ana ŠA3 TU-šu2 UD.3.K[AM]
59. [...] ki-⸢ma⸣ x x UD ši-mi-ta5 ŠID-tu2 ša2 ana IGI dUTU ta-[...]
60. x x x [.....] x zi3ŠE.MUŠ5 ana UGU-šu2 BIR-aḫ
61. ina UD.3.KAM2 U4-mi x x x x EDIN PU2 BAD-ma qe2-te-ber-šu2
62. IGI-šu2 a-na dUTU.ŠU2.A GAR-a[n-ma] x GUR-ar2 zi3SUR.RA-a NINDA zi3ŠE.MUŠ5 ⸢zi3⸣x
63. TUmušen ⸢KUD⸣-is MUD2-⸢šu2⸣ [..] ana UGU-šu2 BAL-qi2
64. zi-pa3-de-⸢e⸣ [tu-ta]m-[m]a-šu2 ana EGIR-ka NU IGI.BAR
65. DIŠ NA GIDIM.MA DA[B-su-ma] x x x x ma-a TAG
66. ḫa-a-a-a[t] qer-bi-šu2 U4 u GI6 NU ḪUN.ḪUN
67. GU2-šu2 GIM ⸢GU2⸣ ANŠE GIDIM a-ḫu-u2 ina ḫur-ba-te iṣ-bat-su
68. UZU-šu2 ina KAŠ.DIDA tu-kar tu-kaṣ-ṣa u2GEŠTIN.KA5.A SUD2 ina I3 ŠEŠ2-su
69. na4KU3 na4ar2-zal-lu na4PA na4⸢GUG SA5⸣ na4ka-mi-i na4aš-pu-u
70. EN2 GIDIM ḪUN.GA2 A.LA2 ḪUN.GA2 GIDIM ḪUN.GA2 GAL5.LA2 ḪUN.GA2 DINGIR ḪUN.GA2 MAŠKIM ḪUN.GA2
71. dDIM3.ME ḪUN.GA2 dDIM3.ME.A MIN dDIM3.ME.LAGAB MIN TU6.DUG4.GA dEN.KI.GA.KE4
72. UR.SAG dASAL.LU2.HI DUMU ERIDUki.GA.KE4 DU11.GA dNIN.GIRIM3.MA NIN TU6.TU6.KE4
73. ZI.AN.NA ḪE2.PA3 ZI.KI.A ḪE2.PA3
74. EN2 an-ta DIŠ me-eli nap-šal-ti u maš-qa-ti ŠID-nu
75. DIŠ NA ŠU.GIDIM.MA DAB-su lu2MAŠ.MAŠ ZI-šu2 la i-le-ʾi u2LAL2 u2an-ki-nu-te
76. u2AŠ.TAL2.TAL2 u2ḪUR.SAG SIG7 GURUN gišMAŠ.ḪUŠ GURUN gišDIḪ3 u2ar2-zal-la
77. u2tar-muš u2UGU-kul-la NUMUN gišŠINIG GIR3.PAD.DU LU2.U19.LU DIŠ-niš ina I3
78. ŠEŠ2-su-ma ina KUŠ DU3.DU3 ina GU2-šu2 GAR-an TI-uṭ
79. DIŠ NA GIDIM AD-šu2 u AMA-šu2 DAB.DAB-su ina ITI.NE UD.29.KAM
80. IM KI.GAR TI-qe2 NU NITA2 u MUNUS DU3-uš ⸢NU⸣ uš-šu-ra ša2 KU3.SIG17 GAR-šu
81. na4GUG ina SIG2.ḪE2.ME.DA E3 ina GU2-ša2 GAR tu-ṭaḫ-ḫad-su-nu-ti
82. tu-kab-bat-su-nu-ti tu-kan2-na-šu-nu-ti NU.MEŠ-šu2-nu-ti 3 U4-mi
83. ina SAG LU2.GIG tu-še-eš-šip-šu-nu-ti TU7 KUM2.MA ta-tab-bak-šu-nu-ti
84. ina UD.3.KAM2 UD.29.KAM2 e-nu-ma GIDIM uš-teš2-še-ru gišMA2.ŠA3.ḪA DU3-uš
85. ṣu2-de-šu2-nu te-es-siḫ ana IGI dUTU ta-dan-šu-nu-ti
86. ana qid!-da-ti IGI-šu2-nu GAR-an u KAM DU11.GA
87. ina ZU NENNI A NENNI ŠAR2 KASKAL.GID2 i-si-a re-e-qa2 re-e-qa2 i-si-a i-si*-a!
88. ZI DINGIR.MEŠ GAL.MEŠ ⸢tum3⸣-ma-tu-nu
89. DIŠ NA SAG.<KI>.DIB.BA TUKU.TUKU-ši GEŠTU.MIN-šu2 ⸢i-ša-gu-ma IGI.MIN-šu2⸣ i-bar-ru-ra
90. SA.GU2-šu2 GU7.MEŠ-šu A2-šu2 šim-ma-ti TUKU.TUKU-ši ELLAG2-su u2-maḫ-ḫa-s[u]
91. ŠA3-šu2 da-li-iḫ GIR3.MIN-šu2 ri-mu-tu2 TUKU.TUKU-ši
92. NA BI GIDIM ri-da-ti US2.MEŠ-šu2 ana TI.LA-šu
93. ina U4.15.KAM2 U4-um d30 u dUTU DIŠ-niš GUB-zu
94. NA BI TUG2.ŠA3.ḪA MU4.MU4 ina na4ZU2 SAG.KI-šu2 te-eṣ-ṣi-ma
95. MUD2-šu ta-tab-bak ina ŠA3 GI.⸢URI3⸣.GAL TUŠ-eb-šu
96. IGI-šu ana IM.SI.SA2 GAR-an ana d30 ana dUTU.ŠU2.A
97. NIG2.NA šimLI GAR-an GA AB2 BAL-qi2 ana dUTU dUTU.E3 NIG2.NA gišŠUR.MIN3 GAR-an
98. KAŠ SAG BAL-qi2 NA BI UR5.GIN7 DU11.GA
99. ana GUB3-ia d30 U4.SAKAR AN-e GAL.MEŠ ana ZAG-ia a-bi ṣal-mat SAG.DU dUTU DI.KU5
100. DINGIR.MEŠ ki-lal-la-an a-bi DINGIR.MEŠ GAL.MEŠ TAR-su EŠ.BAR ana UN.MEŠ DAGAL.MEŠ
101. IM ḪUL-tim i-di-pan-ni-ma GIDIM ri-da-a-ti US2.MEŠ-an-ni
102. lu <na>-as-sa-ku e-ša2-ku u dal-ḫa-ku ana di-ni-ku-nu šu-zi-ba-ni-ma la aḫ-ḫa-bil
103. 7-šu2 DU11.GA-ma iš-tu GI.URI3.GAL E3-ma TUG2 BI u2-na-kar TUG2 DADAG MU4.MU4 ana d30 UR5.GIN7 DU11.GA
104. EN2 dNANNA GIŠ.NU11.GAL.AN.KI.KE4 TU.RA NU.DU10.GA ZU.MU.TA BA.Z[I]
105. 3-šu2 ⸢DU11⸣.GA-ma ana dUTU UR5.GIN7 DU11.G[A]
106. dUTU ⸢DI.KU5 GAL A!⸣.A SAG.GI6.GA IM.ḪUL.GAR.RA.BA I.BI2.GIN7 AN.ŠE3 ḪE2.E3
107. KA.TAR.ZU! GA.AN.SI.IL : 3-šu2 DU11.GA-ma NU x [x x]
108. ⸢u2al⸣-la-an-ka-niš u2nu-ṣa-bu ⸢u2⸣[x . . . u2]⸢eli-kul⸣-[la . . .]
109. ⸢SUḪUŠ gišDIḪ3⸣ ša2 UGU KI.MAḪ NUMUN gišŠINIG [. . .]