BAM 4, 339 (VAT 10034 + VAT 11425 + VAT 11571 + VAT 12115 + VAT 12216)
(Zugang zu CDLI: P281827) < >
Vorderseite einer großen einkolumnigen Tafel aus mittelassyrischer Zeit. Beschwörungen und Ritualanweisungen zur Heilung von Krankheiten, die durch den Totengeist verursacht werden.
Vs.
1. [ina itiŠU.NUM]UN.NA UD.10 [ x.KAM e-nu-ma diš8-tar2 UN.MEŠ KUR]
2. [u-sa]b?-ku-u2 IGI da-[nun-na-ki(?) u? GI]D[IM? kim-ti (?)]
3. [ana] dDUMU.ZI i-bak-ka-a I[M.RI.A LU2 aš-ra]-nu [paḫ-rat]
4. diš8-tar2 GUB-az-ma ka UN.MEŠ i-ḫa-r[a U4-um TUR3.MEŠ (?)] GAL4.LA ša na4ZA.GIN3 [M]UL-tam gar-an GI.DUḪ <GIN-an>
5. MU LU2 ta-za-kar 12 NINDA u mi-iḫ-ḫa [TI?-qe2-ma L]U2.GIG šu-zi-b[i ta]-qab-bi
6. ana diš8-tar2-re-ṣu2-u2-a ka-par2-ri ša dDUMU.Z[I na-aṣ]-rap-tam u gu-ḫaṣ-ṣa ba-aš
7. diš8-tar2-re-ṣu2-u2-a ṣa-bat a-bu-ut LU2.GIG [ana dDU]MU.ZI ta-qab-bi
8. an-na-a-am ina E2 diš8-tar2 U4-um TUR3.M[EŠ DU3]-uš ina A2.GU2.ZI.GA
9. e-nu-ma ma-a-a-al-tum ana dDUMU.ZI ŠUB-u2 [1 SI]LA3 ZI3.DA ša2 NITA i-ṭe3-nu TI-qe2
10. ina SAG ma-a-a-al-ti IZI MU2-ah ka-ma-n[a] tu-šab-šal ina GA ta-mar-ra-as
11. ina SAG ma-a-a-al-ti GAR-an dugLA.ḪA.AN K[A]Š GIN-an GI.GID2 GI-ṣi-in-na-ta
12. gišŠAB gišBUNIN.TUR NIG2.BA ana dDUMU.ZI ba-aš NIG2.NA ŠEM.ŠEŠ ina SAG-šu2 ta-sar2-raq
13. NIG2.NA šimLI ina še-pi-it ma-a-a-al-ti ana diš8-tar2 ta-sar2-raq ana IGI diš8-tar2 GI.DUḪ GIN-an
14. 12 NINDA.ZIZ2.AN.NA GAR-an NINDA.I3.DE2.A LAL3 I3.NUN.NA GAR-an dugA.DA.GUR5 GIN-an SILA4 KUD-is
15. KAŠ.SAG BAL-qi2 šid-di GID2-ad zi3DUB.DUB.BU ŠUB.ŠUB-di ina ZAG ma-a-a-al-ti
16. ana GIDIM IM.RI.A-šu ina GUB3 m[a-a-a-a]l-ti ana da-nun-na-ki KI.SE3.G[A ta-ka]s-sip
17. A KAŠ u3 GA BAL-qi2 x [x x] x-ma LU2.GIG TUG2.ŠA3.ḪA MU4.MU4-aš
18. ana IGI diš8-tar2 tu-qar-r[ab-šu]-ma ki-a-am tu-šad-bab-šu2
19. EN2 ša-qu2-tum diš8-[tar2 D]U3-at te-ne-še-ti mu-kin2-nat par-ṣi a-ši-kad2 BARA2.MEŠ
20. diš8-tar2 ru-bu-[t]um ša-ru-uḫ-[t]i di-gi4-gi4
21. ba-na-a-at [kul-lat UN.MEŠ muš-te-ši-rat šik-na-at na-piš-ti
22. dir-ni-[ni] ša-ru-uḫ-tu qa-rit-tu at-ti
23. [ge-r]at qab-lim muš-t[a]k3?-[k]i?-[pa]t? x (Rasur?) a-n[a-an-ti]
24. [ba-lu-uk]-ki ID2 NU BAD-te ID2 NU is-[se-ker š]a ub-ba-lu nu-u[ḫ-ša]
25. [ba-lu]-uk-ki PA5 NU BAD-te PA5 NU i[s-se-ker] ša NAG.MEŠ UN.MEŠ [DAGAL.MEŠ]
26. [ba]-lu-uk-ki GAL5.LA2 ḪUL ana LU2 NU DIM4 ba-[lu-uk-ki] ʾ-lum LU2.LIL2.LA2 M[I2.LIL2.LA2 u]
27. KI.SIKIL.LIL2.LA2 NU te-ḫi ana LU2.GIG ana-ku [IR3-k]i an-hu šu-nu-ḫu a-ta-[mar IGI-ki]
28. diš8-tar2 be-let in-bi u a-gu-uḫ-ḫi a-t[a-ziz] IGI-ki zi-ti ana ka-a-ši [ub-la]
29. ina DU11.GA ki-ṣir-tim ša2 NU KUR2-ru u3 an-ni-ki KI-nim ša2 NU BAL-[u2]
30. lem-nam ḫa-a-a-ṭam mu-kil SAG ḪUL-tim ša GAR-ma UŠ.MEŠ-ma NU duḫ-[ru]
31. ina U4-me an-ni-i ina SU-ia ZI-šu2-ma ana ag-gi ŠA3-ki id-ni-šu2
32. iš-tu ŠID-tam an-ni-tam tuš-tam-nu-šu ana IGI dDUMU.ZI.KAM DU11.GA
33. EN2 dDUMU.ZI be-lum SIPA ša da-nim ra-šub-bu
34. ḫar-mi diš-dar šar-ra-tim bu-kur dNU.DIM2.MUD
35. ga-aš-rum mas-se-e la ša-na-an a-kil el-le-ti ka-man tum3-ri
36. la-biš ku-si-ti na-ši š[i-bi]r-ri ša2-ti-u2 A.MEŠ na-a-di ha-li-ib-ti
37. ba-nu-u2 kul-la2-tim EN.[TU]R3 NUN ša-qu2-u mut-tal-lu-u2 at-ta-ma
38. lem-nam ḫa-a-a-ṭam mu-kil SAG ḪU[L-ti]m [ša2] KI-ia rak-su-ma ana KUD ZI-ia GUB.[Z]U?
39. KI-ia Š[U?]-si na-piš-ti ub-lak-ku ana U[D]UG lem-ni GAL5.LA2 la ba-bil2 pa-ni
40. pi-qid-su-ma ki-ia lip-pa-ri-is na-pis-ti qi2-šam
41. lem-nam ḫa-a-a-ṭam ša2 ina SU-ia GAL2-u2 ina SU-ia u2-suḫ-šu-ma
42. ana GIZKIM U4-me an-nu-tim lu-mur-ka-ma da3-li2-li2-k[a] lud-lul
43. GIM ŠID-tam an-ni-tam tuš-tam-nu-šu2 LU2.GIG ana KI.TA gišNA2 dDUMU.ZI tu-še-reb-ma
44. IGI.MEŠ-šu2 ana še-pi-ti GAR-an ana si-ḫi-ip pa-ni-šu ŠU2-ŠU2-ma UR5.[G]IM DU11.GA
45. EN2 dDUMU.ZI ḫar-mi diš8-tar2 li-qe2 un-ne-[n]i MAR-ṣi
46. [k]a-ša-a-ma LU2.GIG LUGAL git2-ma-lum u2-qi2-ka
47. [i-na k]i?-tim-ru3 da-nun-na-ki IGI-ka [I]M.R[I].A-šu2 GUB-az
48. [puṭur(?) a-dir-t]a(?)-šu u2-suḫ lem-na a-a-ba ša UZU.MEŠ-šu2
49. [šu-ṣu] GIDIM UŠ.MEŠ-šu2 ṭu2-ru-ud mur-ṣa ša S[A.MEŠ-šu2]
50. e-nu-ma at-ta ana KI.TA-t]im GAR-nu IGI.MEŠ-ka ana NENNI A NENNI GIG a-a [iš-ku-na pa-ni-šu2]
51. e-nu-ma tal2-la-ku u2-ru-uḫ-ka lem-[N]A suḫ-ḫir-šu2 pa-nu-uk-ka l[il2-lik]
52. e-nu-ma tal-la-ku EDEN tum-mi-šu [qe]r-b[i]-tam a-a is-saḫ-ra
53. e-nu-ma ta-zak-ki-pu bu-lam bu-lum li2-tar-ru-šu2 ka-lu EDEN
54. e-nu-ma te-eb-bi-ru ID2 tum-mi-šu2 de2-a-ma a-a is-[s]aḫ-r[a]
55. e-ṭir LU2.GIG-ma liš-ta-mar DINGIR-ut-ka da3-li2-li2-ka lid-lul ana UN.[MEŠ] DAGAL.MEŠ
56. diš8-tar2 na-ram-ta-ka A2-ka l[i]l-lik
57. G[I]M ŠID-nu-u2 ina gi tu-lap-pat-su 7-šu2 tuš-pel2-šu2 N[IGIN?]-ma
58. ina K[I].ḪUL ip-pa-ra-saḫ-ma UR5.GIM D[U11.G]A
59. diš8-tar2 [ina KI].ḪUL-ki ap-pa-ra-si-iḫ it-ti UN.MEŠ-ki
60. [a]s?-pi?-[id lem-nam ḫa-a-a-t]am ša2 ana ḪUL-tim GUB.GUB-za-ma UŠ.MEŠ-ni
61. [ina S]U?-ia [u]s-ḫ[i-šu-ma ana ag-g]i? [Š]A3-[k]i id-ni-šu2 te-de-ki-šu-ma SIG2.SAG.KI-šu2 ta-ḫ[a-sip]
62. ana? IG[I?] 12? NINDA?.Ḫ[I?.A u ZI3.M]A?.[AD.G]A2? MU2.MU2-ar2 KAŠ.SAG BAL-qi2-ma KU.x [x]
63. x [ ... ] (unleserliche Spuren) ni? KAR KID x x NAGA?
64. [ ... ] x ŠENNUR?-ra k[u2?] x x u b[e?] x x
Rs.
1'. [ ... ] x x [ ... ]
2'. [te-li]-tu [diš8-tar2(?) ...]
3'. [dir]-ni-ni š[a š]a2-lum-m[a]-t[a ra-ma-at]
4'. ša-qu-t[u] diš8-t[ar2 ba-ʾ-lat kib-ra-a-t]i
5'. a-ku-ku-tu ša qab-la-[at AN-e u KI-tim ṭ]e-r[a]t
6'. e-ri-bat pa-an bu-l[i ra-ʾ-i-mat u2]-tul-lim
7'. ba-[l]u-uk-ki ID2 NU BAD ID2 [NU is-se-ker ša ub-ba-l]u nu-uḫ-ša
8'. KI.M[IN] TIR NU BAD TIR [NU is-se-ker š]a2? u[b?]-ba-[l]u UN.MEŠ DAGAL.MEŠ
9'. [KI.MI]N gišŠUB.BA ḪA.L[A ŠUKU.dINANN]A ul iš-šar-rak
10'. [a-na-k]u? [NENNI] DUMU.NITA2 NE[NNI KEŠDA-ki KE]ŠDA KU3 ina GA KU3 ka-man TUM2-ri
11'. [az-qup-k]i ⸢dug⸣A.D[A.GUR4 si-min3-ni u mu]g-rin-ni
12'. [aṭ-bu-ḫa-ak-ki UDU(NITA) ni]-qi2?-i? [KU3 ša bu-u]l dSU[M]UGAN
13'. [u2-ṭaḫ-ḫi mir-sa ana k]a-pa-ar-r[a-a-ti ša dDUMU.ZI]
14'. [aš-tak-kan ŠUK.MEŠ a-n]a za-ab-bi za-ab-ba-ti[m ...]
15'. [aq-ti-ša-ak-ki GAL4.LA] ⸢na4⸣[Z]A.GIN3 MUL-ti si-m[at? DINGIR-ti-ki]
16'. [... GI].GID2 ṣi-in-na-[t]a giš[Š]AB giš[B]UNI[N.TUR?] ana [SIPA dDUMU.ZI]
17'. [...] x x li tum x x […]
18'. [...] x UR3?.G[IM?] D[U11?.GA?]
19'. [...] x n[i? i]š? [š]i? nu x x [...]
20'. š[a]-p[u-u r]i-gim [e]m-bu-bi-k[i] mim-ma l[em-nu ]
21'. [la-ʾ-ba-a]n-ni-ma la u2-maš-šar-an-ni [G]I[M] š[e-e]-t[i kut-tu-ma-an-ni]
22'. […] x x saḫ-p[a]n-n[i] k[a]-l[u]
23'. [k]a? [l]u? […] mu x […] x x [ ]
24'. […]-an-ni ḫa-at-ta pi-rit-ta ul-ta-n[a-ar-ša-an-ni]
25'. […] ud/pi? ka[r]? ka-[l]u S[A].MEŠ-ia li[t]-b[u-šu]
26'. [lu lem-n]u [l]u GA[L5].LA2 le[m]-nu l[u]