28 B A. 3441
Sakikkû Tafel 28 B A. 3441
Kopie: Labat, TDP II, Pl. L-LI
Veröffentlichung: Labat, TDP I, 188-192; Stol, Epilepsy, 81-90; Heeßel, BAD, 307-312
Position: 1-31 (BAD: 1-43), Stichzeile
Vorderseite
1. Bobv 16‘-18‘ DIŠ šum4-ma ŠU.GIDIM.MA ana AN.TA.ŠUB.BA GUR-šu2 LU2 BI ŠU DINGIR URU-šu2 GIG / ina ŠU DINGIR URU-šu2 KAR-šu2 A.ZA.LU.LU ŠU.SI TUR AD6 I3.SUMUN lem-nu URUDU / ina ⸢KUŠ⸣ MUNUS.AŠ2.GAR3 GIŠ3.NU.ZU ina SA PEŠ2.UR3.RA DU3.DU3 ina GU2-šu2 GAR-ma TI.LA
2. B19’-21’ DIŠ AN.TA.ŠUB.BA ana ŠU.GIDIM.MA GUR-šu2 SAG.ḪUL.ḪA.ZA TUK.TUK-ši ŠU dXV ŠU MAŠKIM / kur2 ana KAR-šu2 u2ḪAR.ḪAR NUMUN gišESI TUG2 MUD2 MUNUS SIG3 GIR3.PAD.DU A.ZA.LU.LU / KUŠ MUNUS.AŠ2.GAR3 GIŠ3.NU.ZU U.ME.NI.DU3.DU3 ina GU2-šu2 GAR-ma AL.TI
3. B22’-25’ DIŠ AN.TA.ŠUB.BA ana ŠU.d+INNIN GUR-šu2 ŠU NAM.{NE}.RU ŠU DINGIR URU-šu2 KI.MIN ŠU d+INNIN URU-šu2 / ana KAR-šu2 TUG2 MUD2 MUNUS ša2 NITA TE SIG5 IGI AD6 u2EME.UR.GI7 SIK2 UR.GI7 GE6 / NIM UR.GI7 AMA A SIK2 UGU.DUL.BI NITA u MUNUS šur-ši gišDIḪ3 u gišKIŠI16 / ša2 UGU KI.MAḪ KA A.AB.BA šim.dNIN.URTA ina KUŠ MUNUS.AŠ2.GAR3 GIŠ3.NU.ZU ŠU.BI.AŠ.AM3
4. B26’-28’ DIŠ ŠU.d+INNIN ana AN.TA.ŠUB.BA GUR-šu2 ŠU dXXX : ŠU dXV KAR-šu2 A.RI.A lu2NAM.LU2.U18.LU / KA A.AB.BA PEŠ2.ḪUL gisGI ša SIK2 la-aḫ-mu zapx(ka)-pi UR.GI7 GE6 / kur2 SIK2 NIG!(U3/ḪUL?) GE6 SIK2 KUN UR.GI7 GE6 ina SIK2 MUNUS.AŠ2.GAR3 GIŠ3.NU.ZU BABBAR u GE6 ina KUŠ ŠU.BI.AŠ.AM3
5. B29’-31’ DIŠ ŠU.d+INNIN ana dLUGAL.UR3.RA GUR-šu2 ŠU dUTU ana KAR-šu2 SUḪUŠ gišDIḪ3 SUḪUŠ gišKIŠI16 / SUḪUŠ u2u5-ra-nu-um NUMUN gišMA.NU gišŠAKIRA TUG2 MUD2 MUNUS šim.dMAŠ ina KUŠ MUNUS.AŠ2.GAR3 / (blank) GIŠ3.NU.ZU ŠU.BI.AŠ.AM3
Rückseite
6. Brev 1-2 DIŠ dLUGAL.UR3.RA ana AN.TA.ŠUB.BA ana ŠU.d+INNIN GUR-šu2 ŠU d⸢XV⸣ ⸢ana?⸣ KAR-šu2 GIŠ3 BAL.GIku6 / NUMUN u2u5-ra-nu-um šim.dNIN.URTA NITA u MUNUS ina KUŠ ŠU.BI.AŠ.AM3
7. B3 DIŠ dLUGAL.UR3.RA A.RI.A dšul-pa-e3-a-a ana!(a) AN.TA.ŠUB.BA GUR-šu2 ŠU DINGIR-šu2 ana!? KAR-šu2 KI.MIN
8. B4 ⸢DIŠ⸣ dLUGAL.UR3.RA ana ŠU.d+INNIN GUR-šu2 A.RI.A dšul-pa-e3-a ana ŠU.GIDIM.MA GUR-šu2 NU i-ke-šir2
9. B5 šum4{diš}-ma SAG.ḪUL.ḪA.ZA GIG-ma ki-ma GU4 GIR3.MIN IGI.IGI IGI.LA2 GIG.BI NU i-ke-šir2
10. B6 DIŠ GIG GID2.DA GIG-ma ki-ma ANŠE.KUR.RA IGI.LA2 GIG.BI NU ke-šir2
11. B7 DIŠ KI.MIN UDU IGI.LA2 <<ana>> GIG.BI GUR.GUR-šu2 : GAM
12. B8 DIŠ KI.MIN UR.GI7 IGI.LA2 GIG.BI GUR.GUR-šu2 GAM
13. B9 DIŠ KI.MIN ŠAḪ IGI.LA2 GIG.BI NU ZI-aḫ
14. B10 DIŠ KI.MIN UR.MAḪ IGI.LA2 ana dar KI.SIKIL.LIL2.LA GUR-šu2
15. B11 DIŠ KI.MIN UR.BAR.RA IGI.LA2 ana dar KI.SIKIL.LIL2.LA GUR-šu2
16. B12 DIŠ KI.MIN DARA3 IGI.LA2 GIG BI AL.TI
17. B13 DIŠ KI.MIN MAŠ.DA3 IGI.LA2 GIG BI <<u?>> AL.TI
18. B14 DIŠ KI.MIN GU4 IGI.LA2 i-la-bir-šum-ma ana na-šar GIG GUR-šu2
19. B15 DIŠ KI.MIN ANŠE IGI.LA2 i-la-bir-šum-ma ana na-šar GIG GUR-šu2
20. B16 DIŠ KI.MIN ŠAḪ.GIŠ.GI IGI.LA2 EN2 ŠUB.ŠUB-šum-ma AL.TI
21. B17 DIŠ KI.MIN ana ŠU.DINGIR.RA GUR-šu2 a-ši-pu-us-su DU3-uš-ma AL.TI
22. B18a DIŠ KI.MIN ana ŠU.d+INNIN GUR-šu2 KI.MIN :
23. B18b DIŠ KI.MIN AD6.MEŠ IGI.IGI-mar KI.MIN
24. B19a DIŠ KI.MIN DUMU.MUNUS-su IGI.IGI-mar NU na-ki-id :
25. B19b DIŠ KI.MIN ḫe-pi2 eš-šu2 IGI.IGI-mar GIG.BI GID2.DA NU na-ki-id
26. B20 DIŠ KI.MIN ID2 IGI.IGI-mar ana GIG.BI i-tar
27. B21 DIŠ KI.MIN ḪUR.SAG IGI.IGI-mar GIG GIG-su KAR-[šu2]
28. B22 DIŠ KI.MIN gišTIR IGI.IGI-mar GIG-su ZI-[aḫ]
29. B23 DIŠ KI.MIN gišGI IGI.IGI-mar GIG-su ⸢ZI⸣-[aḫ]
30. B24 DIŠ KI.MIN gišKIRI6 IGI.IGI-mar GIG-su ⸢LUGUD2⸣.[DA?]
31. B25 DIŠ KI.MIN PU2 IGI.IGI-mar GIG-⸢su⸣ [i-x x]
Stichzeile:
Brev 26 DIŠ dLUGAL.⸢UR3⸣.[RA KI].BI U3.TU [x x]
Kolophon:
Brev 27 [x (x)] x [x x x (x)] x x x [x x] x x [x x x x (x)]
(Bruch)