Sakikkû Tafel 16 G EHE 110 (spB)
Kopie: Scheil (1917), 123, 125
Veröffentlichung: Scheil (1917), 121-131; TDP I, 148-155; BAD, 176-180; Scurlock (2014), 153-155/157-161; Kollationen: Labat, (1945/1946), 30 Anm. 3; Durand (1982), Anm. 59
Position: 31-79 (BAD 36‘-94‘)
Vorderseite
(Bruch)
31. G_{obv 1’} DIŠ UD 2.KAM₂ GIG-ma ina ⸢UD⸣ [3.KAM₂ x (x x) ni-kit-ta₅ x x (x)]
32. G_2‘ DIŠ UD 2.KAM₂ GIG-ma ina UD 3.KAM₂ ⸢it⸣-te-bi [ana GIG-šu₂ GUR-ma x x]
33. G_3‘ DIŠ UD 3.KAM₂ GIG-ma ina UD 4.KAM₂ it-te-bi [ana GIG-šu₂ GUR-ma x (x)]
34. G_4‘ DIŠ UD 3.KAM₂ GIG-ma ina UD 4.KAM₂ MUD₂ ina KIR₄-šu₂ DU-ku [GIG-su DU₈-ar₂^? (x)]
35. G_5‘ DIŠ UD 3.KAM₂ GIG-ma u ZI-bi na-⸢šar₂⸣ [(blank)] ⸢GIG⸣
36. G_6‘ DIŠ UD 3.KAM₂ GIG-ma u UZU.MEŠ-šu₂ šal-mu ana GIG-⸢šu₂⸣ ⸢GUR-ma⸣ GAM
37. G_7‘ DIŠ UD 3.KAM₂ ŠA₃ ŠA₃ GU₃.GU₃-si u ŠA₃.MEŠ-šu₂ nap-ḫu GAM
38. G_8‘ DIŠ UD 4.KAM₂ GIG-ma ŠU.MIN-šu₂ ina ŠA₃-šu₂ GAR.GAR-an IGI.MEŠ-⸢šu₂⸣ SIG₇ ŠUB-u₂ GAM
39. G_9‘a DIŠ UD 4.KAM₂ UD 5.KAM₂ GIG-ma IR ŠUB.ŠUB-su DU₈-ar₂ GIG :
40. G_9‘b DIŠ UD 4.KAM₂ UD 5.KAM₂ GIG-aṣ ŠU ^dDIM₃.ME.LAGAB
41. G_10‘ DIŠ UD 5.KAM₂ GIG-ma ina UD 6.KAM₂ MUD₃ ina KIR₄-šu₂ DU-ku GIG-su DU₈-ar₂ TAB UD.DA
42. G_11‘ DIŠ UD 5.KAM₂ GIG-ma UZU.MEŠ-šu₂ SIG₇ ŠUB-u₂ IGI.MIN-šu₂ MUD₂ DIRI.MEŠ GAM
43. G_12‘ DIŠ UD 5.KAM₂ UD 6.KAM₂ GIG-ma uš-tar-di-ma ia-u₂ ia-u₂ la u₂-kal-la GAM
44. G_13‘ DIŠ UD 5.KAM₂ UD 10.KAM₂ GIG-ma uš-tar-di-ma ḫu-qu ka-a-a-man-šu₂ GAM
45. G_14’f DIŠ UD 5.KAM₂ UD 10.KAM₂ GIG dan-na GIG-ma uš-tar-di-ma MUD₂ ka-a-a-na UD 5.KAM₂ ina KIR₄-šu₂ DU-ku / u ik-kal-la GIG-su DU₈-ar₂ UD.DA ḫa-miṭ ba-liṭ LUG₂ NU TUK
46. G_16‘ DIŠ UD 5.KAM₂ UD 10.KAM₂ GIG dan-na GIG-ma uš-tar-di-ma GIG dan-na ka-a-a-na UD 5.KAM₂ DAB.DAB-su ba-liṭ LUG₂ NU TUK
47. G_17‘f DIŠ UD 5.KAM₂ UD 10.KAM₂ GIG dan-na GIG-ma uš-tar-di-ma GE₆ IGI.MIN-šu₂ uš-tar-di-a / UD 2.KAM₂ ḫu-qu DAB.DAB-su ina UD 3.KAM₂ GAM
48. G_19‘ DIŠ UD 5.KAM₂ UD 10.KAM₂ GIG-ma EGIR-nu MUD₂ pe-lu-tu ina KIR₄-šu₂ DU-ku TIN
49. G_20‘ DIŠ UD 5.KAM₂ UD 10.KAM₂ GIG-ma KUM₂ u IR NU TUK ŠU ^dXXX GAM
50. G_21‘ DIŠ UD 5.KAM₂ UD 10.KAM₂ UD 15.KAM₂ GIG-ma ḫu-qu DAB.DAB-su u BAR-šu₂ PUŠ₂.MEŠ-ma GAM
51. G_22‘ DIŠ KI.MIN-ma GE₆ IGI.MIN-šu₂ E₁₁-a u ḫu-qu DAB.DAB-su ana UD 3.KAM₂ GAM
52. G_23‘f DIŠ UD 5.KAM₂ UD 10.KAM₂ UD 15.KAM₂ UD 20.KAM₂ U.MEŠ ŠU.MIN-šu₂ u GIR₃.MIN-šu₂ am-ša₂ aš-ṭa-a-ma / BAD-a u GUB-za NU ZU-e ŠU ^dXV uš-šar-ma : iš-šir₃-ma TIN
53. G_25‘ DIŠ UD 6.KAM₂ GIG-ma UZU.MEŠ-šu₂ šal-mu ana GIG-šu₂ GUR-ma ni-kit-ta₅ TUK-ši ŠA₃-šu₂ DAB.DAB-su GAM
54. G_26‘ DIŠ UD 6.KAM₂ UD 10.KAM₂ NIG₂.GI^? TUK-ši-šum-ma SAG ŠA₃-šu₂ DAB-su GAM
55. G_27’f DIŠ UD 6.KAM₂ LIL₂-ma ina UD 7.KAM₂ NU PA.AN-uš A ana IGI.MEŠ-šu₂ i-sal-la-u₂-ma / šum₄-ma IGI.MIN-šu₂ NU BAD GAM šum₄-ma IGI.MIN-šu₂ BAD u DUL-tam ana A ša₂ is-lu-ḫu-šu₂ IR₂ TIN
56. G_29‘f DIŠ UD 6.KAM₂ GIG-ma ina UD 7.KAM₂ ḫur-ba-šu₂ ŠUB.ŠUB-su EGIR ḫur-ba-šu₂ IR TA SAG.DU-šu₂ / EN DUR₂-šu₂ ZE₂-šu₂ GAL₂ GIG-su DU₈-ar₂-ma TIN
Rückseite
57. G_{rev 1f} [DIŠ UD 6.KAM₂ GIG-ma ina UD 7.KAM₂ ḫur-ba-šu₂ ŠUB.ŠUB-su EGIR ḫur-ba-šu₂ (…)] IR TA SAG.DU-šu₂ / [EN^? x (x) ZE₂-šu₂ NU GAL₂(-ši) GIG-su NU DU₈-ar₂] GAM
58. G₃ [DIŠ UD 6.KAM₂ GIG-ma ina UD 7.KAM₂ TIN-uṭ GIG TI-uṭ-ma TI] ⸢GIG⸣ SAG ŠA₃-šu₂ DAB-su GAM
59. G₄ DIŠ [UD 6.KAM₂ GIG-ma ina UD 7.KAM₂ AD₆ -šu₂ iṣ-ṣa-lim ZE₂ ina DUR₂]-⸢šu₂⸣ SI.SA₂-am-ma GAM
60. G₅ DIŠ UD ⸢6⸣.[KAM₂ GIG-ma ina UD 7.KAM₂ AD₆-šu₂ ZE₂ im-ta-la] ZE₂ ina DUR₂-šu₂ KI.MIN-ma GAM
#BAD 178 reads im-ta-aš-šu instead of im-ta-la since the foregoing ZE₂ obvious from the new witness F was unknown to the author
61. G₆ DIŠ UD 6. KAM₂ ⸢GIG-ma⸣ ina ⸢UD⸣ ⸢7⸣.[KAM₂ IGI.MIN-šu₂ IM.GU₂ SA₅] ⸢DIRI⸣.MEŠ MUD₂ ina KIR₄-šu₂ DU-ku-ma TIN
62. G_7f DIŠ UD 6.KAM₂ GIG-ma ina UD ⸢7⸣.KAM₂ ⸢TIN-uṭ⸣ ⸢UD⸣ ⸢8^!.KAM₂⸣ [GIG]-⸢ma⸣ ina UD 9.KAM₂ TIN-uṭ / UD 10.KAM₂ GIG-ma ina UD 11.KAM₂ TIN-uṭ GIG-su ⸢ni⸣-kit-ta₅ TUK-ši MAŠ.MAŠ ana TIN-šu₂ ME-a NU GAR-an
63. G₉ DIŠ ina UD 15^!(5).KAM₂ GIG-su ŠUB-su na-šar GIG

---

64. G₁₀ DIŠ a-di-na ITI NU GIG-ma is-lim-ma ⸢kir⸣-ra-šu₂ šu-uḫ-ḫu-ṭa GIG-ma GAM
65. G₁₁ DIŠ KI.MIN-ma is-lim-ma IGI.MIN-šu₂ rab-ṣa GIG-ma GAM
66. G_12f DIŠ ITI 1.KAM₂ ITI 2.KAM₂ GIG-ma GIG-⸢su⸣ ŠUB-šu₂-ma ŠA₃-šu₂ DAB.DAB-su / ina KIR₄/KA-šu₂ MUD₂ pe-la-a ŠUB.ŠUB-a GIG ki-iṣ-ṣa-ti GIG TIN
67. G₁₄ DIŠ ITI 1.KAM₂ ITI 2.KAM₂ ina GE₆ ŠUB-su u GU₃-si pi-rit-ti ŠU ^dXV ZI-bi
68. G_15f DIŠ u₄-mi-šam-<ma ana> GISKIM-šu₂ LA₂-šu₂ u BAR-šu₂ UD LA₂-šu₂ KUM₂-ma SA.MEŠ-šu₂ GU₇-šu₂ / IR ŠUB-su-ma ina-aḫ LAL-ti UD.DA
69. G_17f DIŠ u₄-mi ma-ʾ-du-ti GIG-ma A SA₅.MEŠ ina DUR₂-šu₂ DU-ku GIG-su DU₈ / UD.DA TAB.BA TIN UD.MEŠ-šu₂ GID₂.DA.MEŠ LUG₂ NU TUK
70. G₁₉ DIŠ KI.MIN-ma SA.MEŠ-šu₂ SIG₇ ŠUB-u₂ IGI.MIN-šu₂ MUD₂ DIRI.MEŠ GAM
71. G₂₀ DIŠ KI.MIN-ma UZU.MEŠ-šu₂ ur-qa₂ it-ta-du-ni IGI.MIN-šu₂ SA₅ ŠUB.MEŠ NU TIN

---

72. G₂₁ DIŠ UD.MEŠ-šu₂ GID₂.DA.MEŠ-ma ana E₂-šu₂ IR₂ GAM
73. G₂₂ DIŠ UD.MEŠ-šu₂ GID₂.DA.MEŠ -ma ana E₂-šu₂ u DUMU.MEŠ-šu₂ IR₂ GAM
74. G₂₃ DIŠ UD.MEŠ-šu₂ GID₂.DA.MEŠ-ma i-siḫ-ti KI.MAḪ-šu₂ i-siḫ GAM
75. G₂₄ DIŠ UD.MEŠ-šu₂ GID₂.DA.MEŠ-ma [ŠE₁₀ ba]-⸢ru^?⸣-ti-šu₂ iz-zi GAM
76. G₂₅ DIŠ KI.MIN-ma [IGI.MIN-šu₂ GEN₇ si-ka-a-ti ana GA.RAŠ^sar SIG₇.ME] GAM
77. G₂₆ DIŠ ⸢KI⸣.[MIN(-ma) SU-šu₂ GEN₇ KI.MIN SIG₇ ŠA₃.MEŠ-šu₂ nap-ḫu SA ŠA₃-šu₂ SIG₇] ⸢GIB⸣.MEŠ GAM
78. G₂₇ [DIŠ KI.MIN(-ma) ŠU.MIN-šu₂ u GIR₃.MIN-šu₂ SED^? GIG-su KUR₂-šum-ma UGU-šu₂ i-sap-pi-du]-⸢ma⸣ TIN
79. G₂₈ [DIŠ KI.MIN(-ma) ŠU.MIN-šu₂ u GIR₃.MIN-šu₂ ik-tab-ba GIG-su KUR₂-šum-ma UGU-šu₂ KI.MIN] ⸢TIN⸣
(Bruch)