Sakikkû Tafel 9 B K. 261 (+) K. 15599 (nA)
Kopie: Labat, TDP II, Pl. XV-XVII; K. 15599: -
Veröffentlichung: TDP I, 70-78; Heeßel (2010b), 21 (Z. 1-26); Scurlock (2014), 66-69/69-72; K. 15599: Schmidtchen, Mesopotamische Diagnostik, IV.2. Tafel 9
Position: 1-72 (BAD: 1-79), Stichzeile, Rubrik, Kolophon
Vorderseite
1. B_1f [DIŠ (GIG) IGI.MEŠ-šu₂ IR u₂-kal u] DUL.DUL-tam ŠU ^dMAŠ.TAB.BA / [MAŠ.MAŠ-su DU₃-uš] u ŠU.GUR.GUR-šu-ma TIN
2. B₃ [DIŠ GIG^? IGI.MEŠ]-˹šu₂˺ SA₅ GAM
3. B₄ [DIŠ IGI.MEŠ-šu₂ SA₅.MEŠ u] ˹i˺-šap-pu-u₂ GAM
4. B₅ [DIŠ IGI.MEŠ-šu₂ SA₅.MEŠ u] ˹SIG₇˺.MEŠ ZI-ma MAN-ma GIG
5. B₆ [DIŠ IGI.MEŠ-šu₂ SA₅.MEŠ u] GE₆.MEŠ TIL-ma EGIR-šu₂ MAN-ma GAM
6. B₇ [DIŠ IGI.MEŠ-šu₂ BABBAR].˹MEŠ˺ TIN
7. B₈ [DIŠ IGI].˹MEŠ-šu₂˺ ˹BABBAR˺ u SIG₇ ŠUB.ŠUB-u₂ KA-šu₂ ši-ši-tu IGI-šu₂ ša₂ 150 i-ṣap-par GAM
#ms. A adds ZU₂.ME-šu₂ in front of ši-ši-tu
8. B₉ [DIŠ] ˹IGI˺.MEŠ-šu₂ BABBAR GE₆ SA₅ SIG₇ ŠUB-u₂ : u₂-kal-lu GIG-su GID₂-ma TI-uṭ
9. B₁₀ DIŠ IGI.MEŠ-šu₂ SIG₇.MEŠ ^dDIM₉.ME DAB-su
10. B₁₁ DIŠ IGI.MEŠ-šu₂ SIG₇.MEŠ u IGI.MIN-šu₂ šap-la GAM
11. B₁₂ DIŠ IGI.MEŠ-šu₂ SIG₇.MEŠ ŠA₃ IGI.MIN-šu₂ SIG₇.ME SUḪUŠ EME-šu₂ GE₆ aḫ-ḫa-zu
12. B₁₃ DIŠ IGI.MEŠ-šu₂ SIG₇.MEŠ u GE₆.MEŠ GAM
13. B₁₄ DIŠ IGI.MEŠ-šu₂ GE₆.MEŠ GIG.BI GID₂-ma GAM
14. B₁₅ DIŠ IGI.MEŠ-šu₂ GE₆.MEŠ EME-šu₂ SA₅ GIG-su GID₂-ma GAM
15. B₁₆ DIŠ IGI.MEŠ-šu₂ GE₆.MEŠ u BABBAR.MEŠ GAM
16. B₁₇ DIŠ IGI.MEŠ-šu₂ GE₆.MEŠ ŠA₃.MEŠ-šu₂ nap-ḫu GAM
17. B₁₈ DIŠ IGI.MEŠ-šu₂ GE₆.MEŠ NINDA URU₄-ma GU₇ GAM
18. B₁₉ DIŠ IGI.MEŠ-šu₂ GE₆.MEŠ-ma MUD₂ i-pa-ri GABA.RI SIG₃-iṣ GAM
19. B_20-22 DIŠ IGI.MEŠ-šu₂ GE₆.MEŠ-ma GEN₇ ša₂-lam-ti ib-šu-u₂ IGI.MEŠ-šu₂ i-te-eb-˹ṭu₂˺ / NUNDUM.ME-šu₂ ma-diš ik-tab-ra IGI.MEŠ-šu₂ iš-ta-an-nu-u₂ mu-du-šu₂ ul GIG-˹ma˺ / i-qab-bi UŠ₂ ug-ga-ti GAM EGIR-su na-da-at E₂-su BIR-aḫ
20. B₂₃ [DIŠ] ˹IGI.MEŠ˺-šu₂ DAR₄ GIR₂-iš GAM
21. B₂₄ DIŠ IGI.MEŠ-šu₂ DAR₄ ZU₂.LUM.MA URU₄-ma GU₇ GAM
22. B₂₅ DIŠ IGI.MEŠ-šu₂ še-pu-˹u₂˺˹:˺ te-bu-u₂ {x} TIN
23. B₂₆ DIŠ IGI.MEŠ-šu₂ ṣar-pu u i-ša-˹ap-pu-u₂˺ ˹ŠU˺ ^dIŠKUR TIN
24. B_27f DIŠ IGI.MEŠ-šu₂ IM.GA₂.LI ŠUB-u₂ NUNDUM.MEŠ-šu₂ ši-ši-ta₅ DIRI.ME IGI.˹MIN-šu₂˺ ˹SIG₇.ME˺ ˹ŠUB.ŠUB-a˺ / u IGI-šu₂ ša₂ 15 i-ṣap-par GAM
25. B₂₉ DIŠ IGI.MEŠ-šu₂ KUR₂.KUR₂-ru GAM
26. B₃₀ DIŠ IGI.MEŠ-šu₂ KUR₂.KUR₂-ru EME-šu₂ SIG₇ : SU-šu₂ SIG₇ TUN₃ GIG ana UD 3.KAM₂ GAM
27. B₃₁ DIŠ IGI.MEŠ-šu₂ ṣe-em-ru TIN
28. B₃₂ DIŠ IGI.MEŠ-šu₂ IR u₂-kal-lu TIN
29. B₃₃ DIŠ IGI.MEŠ-šu₂ KUM₂ u₂-kal-lu TIN
30. B₃₄ DIŠ IGI.MEŠ-šu₂ KUM₂.MEŠ IGI.MIN-šu₂ um-mu-ra ina u₂-kul-ti : ina qu₂-ul-ti SIG₃-iṣ GAM
31. B₃₅ DIŠ IGI.MEŠ-šu₂ SED.MEŠ GAM
32. B₃₆ DIŠ IGI.MEŠ-šu₂ ma-aq-tu GAM
33. B₃₇ DIŠ IGI.MEŠ-šu₂ ma-aq-tu-ma su-qat-su ṣab-ta-at u UMUŠ-šu₂ NU DAB GAM
34. B₃₈ DIŠ IGI.MEŠ-šu₂ šal-mu ˹TIN˺
35. B₃₉ DIŠ IGI.MEŠ-šu₂ šal-mu EME-šu₂ SA₅ GIG-su GID₂-ma ˹TIN˺
36. B₄₀ DIŠ IGI.MEŠ-šu₂ ad-ru [TIN]
37. B₄₁ [DIŠ] IGI.MEŠ-šu₂ GEN₇ I₃.GIŠ E₃-u₂ [TIN]
38. B₄₂ [DIŠ IGI.MEŠ-šu₂ ḪAD₂.A SA₅].˹MEŠ˺ DIRI.MEŠ GIG-su GID₂-˹ma˺ [TIN]
39. B₄₃ [DIŠ IGI.MEŠ-šu₂ ḪAD₂.A BABBAR.MEŠ] ˹DIRI˺.MEŠ [TIN]
40. B₄₄ ˹DIŠ˺ ˹IGI.MEŠ-šu₂˺ [ḪAD₂.A SIG₇.MEŠ DIRI].˹MEŠ˺ ŠU ^d˹BAD˺ [TIN]
41. B₄₅ DIŠ IGI.MEŠ-šu₂ ḪAD₂.˹A˺ [GE₆.MEŠ DIRI.MEŠ] ˹GAM˺
42. B₄₆ DIŠ IGI.MEŠ-šu₂ {x} BU.BU.˹UL˺ [SA₅ DIRI.MEŠ ŠU ^dXXX] ˹TIN/GAM^?˺
43. B₄₇ DIŠ IGI.MEŠ-šu₂ BU.BU.UL [BABBAR DIRI.MEŠ ŠU ^dUTU] TIN
44. B₄₈ DIŠ IGI.MEŠ-šu₂ BU.BU.UL GE₆ [DIRI.MEŠ] ˹ŠU˺ ^d˹XV˺
#ms. A adds GAM at the end of the line
45. B₄₉ DIŠ IGI.MEŠ-šu₂ bir-di DIRI.˹MEŠ˺ [ŠU DINGIR-šu₂ TIN KIMIN UD].˹DA˺ TAB.BA ŠU DINGIR AD-šu₂
46. B₅₀ DIŠ IGI.MEŠ-šu₂ ziq-ti DIRI.MEŠ ŠU ˹^dAMAR.UTU˺ TIN KIMIN ŠU ^dIŠKUR
47. B₅₁ DIŠ IGI.MEŠ-šu₂ ri-šu-ta₅ DIRI.MEŠ TIN
48. B₅₂ DIŠ IGI.MEŠ-šu₂ i-ši-ta₅ DIRI.MEŠ TIN
49. B₅₃ DIŠ IGI.MEŠ-šu₂ NIGIN.MEŠ-du ina SAG GE₆ TAG-it
50. B₅₄ DIŠ IGI.MEŠ-šu₂ NIGIN.MEŠ-du u u₂-šam-ša₂ ŠU DINGIR URU-šu₂ ana UŠ₂ GAR-šu₂
51. B₅₅ DIŠ IGI.MEŠ-šu₂ NIGIN.MEŠ-du u IGI.MIN-šu₂ ur-ru-pa ŠU DINGIR AD-šu₂
52. B₅₆ DIŠ IGI.MEŠ-šu₂ NIGIN.MEŠ u su-qat-su DU₈-at₂ ina GIG-šu UŠ₂
Rückseite
53. B_{Rs 1f} DIŠ IGI.MEŠ-šu₂ NIGIN.MEŠ SAG.DU-su ŠU.MIN-šu₂ u GIR₃.MIN-šu₂ i-tar-ru-ra / ŠU ^dLUGAL.GIR₃.RA u ^dMES.LAM.TA.E₃.A
54. B₃ DIŠ IGI.MEŠ-šu₂ NIGIN.MEŠ ŠU.MIN-šu₂ u GIR₃.MIN-šu₂ i-ra-ʾ-u₂-ba UD 59.KAM₂ ŠU ^dUD.AL.TAR
55. B₄ DIŠ IGI.MEŠ-šu₂ NIGIN.MEŠ GEŠTU.MIN-šu₂ GU₃.DE₂.MEŠ UB.NIGIN₂.˹NA˺-šu₂ DUB.DUB-ka ŠU GIDIM₇
56. B₅ DIŠ IGI.MEŠ-šu₂ NIGIN.MEŠ GEŠTU.MIN-šu₂ i-šag-gu-ma SAG.KI-šu₂ ˹u₂˺-maḫ-ḫa-ṣa-<šu₂> u i-rud-da-šu₂ ŠU GIDIM₇
57. B_6f DIŠ IGI.MEŠ-šu₂ NIGIN.MEŠ ZI.MEŠ-šu₂ LUGUD₂.MEŠ ZI-šu₂ GEN₇ ša₂ A ṣa^!-mu-u₂ i-te-ner-ru-ub / ŠU GIDIM₇ mur-tap-pi-di ina EDIN DAB-su
58. B₈ DIŠ IGI.MEŠ-šu₂ NIGIN.MEŠ ina KI.NA₂-šu₂ ZI-ma ŠUB-ut ŠU GIDIM₇
59. B_9f DIŠ IGI.MEŠ-šu₂ NIGIN.MEŠ [UB.NIGIN₂.NA-šu₂] i-tar-˹ru˺-ra u i-ṭa-ma-a / ˹ŠU˺ ˹^d˺[LUGAL.GIR₃.RA u ^d]MES.LAM.˹TA˺.E₃.A : ^dLUGAL.BAN₃.DA
60. B₁₁ [DIŠ IGI.MEŠ-šu₂ nap-ḫu u] IGI.MIN-šu₂ MU₂.MEŠ GAM
61. B₁₂ [DIŠ IGI.MEŠ-šu₂ nap-ḫu u ŠA₃].˹MEŠ˺-šu₂ MU₂.MEŠ GAM
62. B₁₃ [DIŠ IGI.MEŠ-šu₂ u ŠA₃.MEŠ-šu₂ MU₂.MEŠ-ḫu TUN₃] ˹GIG˺ ana MU 3.KAM₂ GAM
63. B₁₄ [DIŠ IGI].˹MEŠ˺-šu₂ ŠA₃.MEŠ-šu₂ ŠU.˹MIN˺-[šu₂ u GIR₃.MIN-šu₂ MU₂.MEŠ] ˹nap˺-paḫ-ta₅ GIG ŠU XX
64. B_15f DIŠ IGI.MEŠ-šu₂ u IGI.MIN-šu₂ MU₂.MEŠ PIŠ₁₀ IGI.MIN-šu₂ SA₅ IM ˹KIR₄˺-[šu₂ KUM₂] ˹:˺ ˹ṣa-bit˺ ˹KAŠ₃^?.MEŠ-šu₂˺/ ta-ba-ka NU ZU-e GABA.RI SIG₃-˹iṣ˺ [ŠU ^dMAŠ]
65. B_17f DIŠ IGI.MEŠ-šu₂ ṣep-ru ta-lam-ma-šu₂ pur-ru-ur ŠU-su ˹ša₂˺ [150 na-ša₂-a NU ZU-e] / GIR₃.MIN-šu₂ i-maš-šar [GAM]
66. B_19f DIŠ IGI.MEŠ-šu₂ ṣap-˹ru˺ ˹ta˺-lam-ma-šu₂ pur-ru-ur ŠU-su ša₂ NIG₂.GIG-ti-˹šu₂˺ [ŠUB-ma NU IL₂-ši] / GIR₃.MIN-šu₂ i-maš-šar ŠU mi-šit-tu₂ U₄.ME-šu₂ GID₂.ME [NU SI.SA₂]
67. B₂₁ DIŠ IGI.MEŠ-šu₂ ki-ma ḫi-in-qi₂ UDU.NITA₂ GAL₂-u₂ u₂-šam-ša₂ u MUD₂ i-ḫa-[ḫu GAM]
68. B₂₂ DIŠ IGI.MEŠ-šu₂ u₂-maš-šad GIDIM ša₂ ina A.MEŠ UŠ₂ ˹DAB˺-[su]
69. B₂₃ DIŠ IGI.MEŠ-šu₂ SIG₃.SIG₃-aṣ u GU₃.DE₂.DE₂.MEŠ-si GIDIM qa₂-li-i DAB-su
70. B₂₄ DIŠ ina SAG IGI.MEŠ-šu₂ ḪAD₂.A.MEŠ SA₅.MEŠ E₃.MEŠ TIN
#ms. B notes GAM instead of TIN
71. B₂₅ DIŠ ina SAG IGI.MEŠ-šu₂ ḪAD₂.A.MEŠ GE₆.MEŠ E₃.MEŠ GAM
72. B₂₆ DIŠ A.SAG-šu₂ ŠU₂-ip ina EDIN TAG-it GAM

Stichzeile:
B₂₇ ˹DIŠ˺ ˹GIG˺ GU₂-˹su˺ ana 15 NIGIN.ME ŠU.MIN-šu₂ u GIR₃.MIN-šu₂ am-ša₂ IGI.MIN-šu₂ DUL-ma ˹BAL.MEŠ^?˺
Rubrik:
B₂₈ DUB 7.KAM₂ ana ^lu2GIG ina TE-ka DUB 9.KAM₂ e-nu-ma ana ˹E₂˺ ^lu2GIG KA.PIRIG DU-ku
Kolophon:
B₂₉ E₂.˹GAL˺ [^m]˹AN˺.ŠAR₂-DU₃-DUMU.NITA ˹LUGAL˺ ˹ŠU₂^?˺ ˹LUGAL˺ KUR aš-šur^ki
B₃₀ ˹ša˺ ^d˹AG˺ ^d˹taš-me-tu₄˺ ˹uz˺-nu ra-pa-aš₂-tu iš-ru-ku-šu₂
B₃₁ ˹i˺-ḫu-uz-zu IGI.MIN na-mir-tu₄ ni-siq ṭup-šar-ru-ti
B₃₂ [ša₂ ina LUGAL.MEŠ]-˹ni^?˺ a-lik maḫ-ri-ia mam₂-ma šip-ru šu-a-tu la i-ḫu-uz-zu
B₃₃ […] x ˹ti˺-kip sa-at-tak-ki ma-la ba-aš₂-mu
B₃₄ [ana DUB.MEŠ-ni^? aš₂]-˹ṭur₃˺ as-niq ab-re-e-ma
B₃₅ [… ši-ta-si]-˹ia^?˺ qe₂-reb E₂.GAL-ia u₂-kin